#findmoyameehaa

Ahmed Rilwan (@moyameehaa)

Ahmed Rilwan Abdulla (@moyameehaa) a Maldivian Journalist has been missing since 8 August 2014. He was last seen on CCTV at the Hulhumale' ferry terminal.

He was wearing a black shirt, black trousers, black shoes with white soles and carrying a black backpack.
Rilwan is 28 years old, of medium build and 5 feet 10 inches tall, sporting a short beard and moustache.

ރިލްވާން މައްސަލާގައި ބަންދުގައި ހުރި މީހާގެ މުއްދަތު ހަތަރު ވަނަ ފަހަރަށް އިތުރުކޮށްފި

October 25, 2014

މިނިވަން ނިއުސްގެ ނޫސްވެރިޔާ އަހުމަދު ރިލްވާން ގެއްލުނު މައްސަލާގައި ފުލުހުން ހައްޔަރުކޮށްފައި ހުރި 25 އަހަރުގެ މީހާގެ ބަންދުގެ މުއްދަތު ހަތަރު ވަނަ ފަހަރަށް އިތުރުކޮށްފި އެވެ.

މިދިޔަ އޮގަސްޓް މަހުގެ އަށް ވަނަ ދުވަހުގެ ރޭ ރިލްވާން ގެއްލުނު މައްސަލާގައި ހަތަރު މީހަކު ފުލުހުން ހައްޔަރުކުރި އެވެ. އެހެން ނަމަވެސް އޭގެތެރެއިން ތިން މީހަކު ކޯޓުން ވަނީ ދޫކޮށްލައިފަ އެވެ.

ފުލުހުންގެ މީޑިއާ އޮފިޝަލް މިރޭ ވިދާޅުވީ ރިލްވާން ގެއްލުނު މައްސަލާގައި ފުލުހުންގެ ބެލުމުގެ ދަށުގައި ހުރި މީހާގެ ބަންދަށް އިއްޔެ ކްރިމިނަލް ކޯޓުން ވަނީ 10 ދުވަސް ޖަހައިދީފައި ކަމަށެވެ. މީގެ ކުރިން ވެސް އޭނާގެ ބަންދަށް 10 ދުވަސް ކްރިމިނަލް ކޯޓުން އިތުރުކޮށްދިނެވެ.

މިނިވަން ނޫހުގައި ލިޔާ ލިޔުންތަކާއި ސޯޝަލް މީޑިއާގައި ފާޅުކުރާ ހިޔާލުތަކާ ގުޅިގެން ތަކުރާރުކޮށް މަރުގެ އިންޒާރުދީފައި ވަނިކޮށް، ރިލްވާން ގެއްލުމާއި ގޭންގްތަކާ ގުޅުން އޮތް ކަމަށް ތަހުގީގަށް ފާހަގަކުރެވޭ ކަމަށް ހޯމް މިނިސްޓަރު އުމަރު ނަސީރު ވަނީ ވިދާޅުވެފަ އެވެ. އަދި އޭނާ ހޯދުމަށް ނުފޮރުޅާ އެންމެ ގާކޮޅެއް ވެސް ނެތް ކަމަށާއި އޭނާ ސަލާމަތުން އާއިލާ ހަމައަށް ގެނެސްދެވޭނެ ކަމަށް އުއްމީދުކުރައްވާ ކަމަށް ވެސް އުމަރު ވަނީ ވިދާޅުވެފަ އެވެ.