#findmoyameehaa

Ahmed Rilwan (@moyameehaa)

Ahmed Rilwan Abdulla (@moyameehaa) a Maldivian Journalist has been missing since 8 August 2014. He was last seen on CCTV at the Hulhumale' ferry terminal.

He was wearing a black shirt, black trousers, black shoes with white soles and carrying a black backpack.
Rilwan is 28 years old, of medium build and 5 feet 10 inches tall, sporting a short beard and moustache.

ރިލްވާންގެ މައްސަލަ ގައުމީ ސަލާމަތުގެ ކޮމިޓީން ވެސް ނުބަލަން ނިންމައިފި

September 4, 2014

ގެއްލިފައިވާ މިނިވަން ނޫހުގެ ނޫސްވެރިޔާ އަހްމަދު ރިލްވާންގެ މައްސަލަ ގައުމީ ސަލާމަތުގެ ކޮމިޓީން އިތުރަށް ނުބެލުމަށާއި ކޮމިޓީން މިހާތަނަށް ކޮށްފައިވާ މަސައްކަތްތަކާއި ޔައުމިއްޔާތައް ސަލާމަތީ ހިދުމަތްތަކާއި ބެހޭ ކޮމިޓީ ނުވަތަ 241 ކޮމިޓީއާ ހަވާލުކުރަން ފާސްކޮށްފި އެވެ.

ގައުމީ ސަލާމަތުގެ ކޮމިޓީން މިގޮތަށް ނިންމީ 241 ކޮމިޓީން ވެސް ރިލްވާންގެ މައްސަލަ ބަލަމުންދާތީ މިމައްސަލާގައި ގައުމީ ސަލާމަތުގެ ކޮމިޓީން މިހާތަނަށް ކޮށްފައިވާ މަސައްކަތްތަކާއި ޔައުމިއްޔާތައް 241 ކޮމިޓީއާ ހިއްސާކުރުމަށް އެދި އެކޮމިޓީން ފޮނުވި ސިޓީއަށް މެންބަރުން މަޝްވަރާކުރުމަށްފަހު އެވެ.

މިއަދުގެ ބައްދަލުވުމުގައި ރިލްވާންގެ މައްސަލަ ކޮމިޓީ އަށް ހުށަހެޅުއްވި މެންބަރު އިމްތިޔާޒް ފަހުމީ ވަނީ މިމައްސަލަ ކޮމިޓީގައި ކުރިއަށް ދަނީ ވަރަށް ލަސްކޮށް ކަމަށް ވިދާޅުވެ އެކަމާ ހިތްހަމަނުޖެހުން ފާޅުކުރެއްވުމަށްފަހު ކޮމިޓީ ދޫކުރައްވާ ވަޑައިގެންފަ އެވެ.

ގައުމީ ސަލާމަތުގެ ކޮމިޓީގެ ބައްދަލުވުން ނިންމަވާލެއްވުމަށްފަހު ކޮމިޓީގެ މުގައްރިރު އަދި ގުރައިދޫ ދާއިރާގެ މެންބަރު އިބްރާހިމް ރިޒާ ވީނިއުސްއަށް ދެއްވި އިންޓަވިއުއެއްގައި ވިދާޅުވީ ގައުމީ ސަލާމަތުގެ ކޮމިޓީން މިމައްސަލަ އިތުރަށް ކުރިއަށް ނުގެންދަން ނިންމީ މި މައްސަލައަކީ 241 ކޮމިޓީގެ މެންޑޭޓްގެ ދަށުން ބަލަންޖެހޭ މައްސަލައެއް ކަމަށްވާތީ ކަމުގަ އެވެ. އަދި މައްސަލާގައި މިހާތަނަށް ކޮމިޓީން ކޮށްފައިވާ މަސައްކަތްތައް ޔައުމިއްޔާތަކުން ފެންނަން ހުންނާނެ ކަމުގައިވެސް ވިދާޅުވި އެވެ. އެހެންކަމުން މި މައްސަލަ ބެލުމުގައި ކޮމިޓީން ފަރުވާކުޑަކޮށްފައި ނުވާނޭ ކަމުގައިވެސް ރިޒާ ވިދާޅުވި އެވެ.

ރިލްވާންގެ މައްސަލާގައި ރޭ ބޭއްވި ސަރުކާރުގެ މައްސޫލިއްޔަތު އަދާކުރާ މިންވަރުބަލާ ކޮމިޓީން ވެސް ވަނީ ރިލްވާންގެ މައްސަލަ އެ ކޮމިޓީން ނުބެލުމަށް ފާސްކޮށްފަ އެވެ. ރިލްވާންގެ މައްސަލައެއް މަޖިލީހުގެ މިނިވަން މުއައްސަސާތަކުގެ ކޮމިޓީއަށް ވެސް ވަނީ ހުށަހަޅާފަ އެވެ. އެކޮމިޓީގައި މިމައްސަލަ ކުރިއަށް ނުގެންދިއުަމަށް އަދި ނިންމާފައެއް ނުވެ އެވެ.

ރިލްވާން ގެއްލިފައިވަނީ މިދިޔަ މަހުގެ ހަތްވަނަ ދުވަހު ކަމަށްވާއިރު އޭނާގެ އެއްވެސް ހަބަރެއް ނުވާ ކަމަށް އާއިލާ އިން ބުނެ އެވެ. އަދި ރިލްވާންގެ މައްސަލާގައި މިއަދު ވަނީ ޕެޓިޝަނެއްވެސް މަޖިލީހަށް ހުށަހަޅާފަ އެވެ. ގައުމީ ސަލާމަތުގެ ކޮމިޓީއަށް ހުށަހެޅުމަށް ފޮނުވާފައިވާ މި ޕެޓިޝަނުގައި 5،000 އަށް ވުރެ ގިނަ މީހުން ސޮއިކޮށްފައިވެ އެެވެ.