#findmoyameehaa

Ahmed Rilwan (@moyameehaa)

Ahmed Rilwan Abdulla (@moyameehaa) a Maldivian Journalist has been missing since 8 August 2014. He was last seen on CCTV at the Hulhumale' ferry terminal.

He was wearing a black shirt, black trousers, black shoes with white soles and carrying a black backpack.
Rilwan is 28 years old, of medium build and 5 feet 10 inches tall, sporting a short beard and moustache.

ފުލުހުން ގާނޫނީ ވާޖިބު އަދާކުރަން ރިލްވާންގެ އާއިލާ އެދެފި

August 30, 2014

ގެއްލިފައިވާ އަހުމަދު ރިލްވާންގެ މައްސަލައިގައި ފުލުހުންގެ ގާނޫނީ ވާޖިބު ފުރިހަމައަށް އަދާކުރުމަށް އޭނާގެ އާއިލާ އިން ގޮވާލައިފި އެވެ.

އާއިލާ އިން މިގޮތަށް ގޮވާލާފައި ވަނީ ގަދަކަމުން ގެއްލުވާލާފައިވާ މީހުންނާބެހޭ ބައިނަލްއަގްވާމީ ދުވަހުގެ މުނާސަބަތުގައި އެ އާއިލާއިން ނެރުނު ބަޔާނެއް މެދުވެރިކޮށެވެ.

މި ބަޔާނުގައި ރިލްވާން ގެއްލުނުތާ 22 ދުވަސްވެފައިވާ ކަމަށާއި “މިދިޔަ 22 ދުވަހުގެ އިންސާފު” ރިލްވާނަށް ލިބެންވާނެ ކަމަށް ބުނެ އެވެ. އަދި މިފަދަ އިތުރު ހާދިސާތައް ތަކުރާރުވިޔަ ނުދީ ހުއްޓުވޭނީ ރިލްވާން ގެއްލުވާލާފައިވާ މައްސަލަ ރަނގަޅަށް ތަހުގީގު ކުރެވި، އޭނާ ހޯދައި ރިލްވާނަށް ވީގޮތް ސާފުވުމުން ކަމަށްވެސް ބުނެ އެވެ.

މީގެ އިތުރުން، ގާނޫނު އަސާސީގެ 21 ވަނަ މާއްދާ އާއި 18 ވަނަ މާއްދާ އިން ދިވެހި ރައްޔިތުންނަށް ލިބިފައިވާ ސަލާމަތްތެރިކަން ޔަގީންކޮށް ދިނުމަކީ ދައުލަތުގެ ވާޖިބެއް ކަމަށާއި މި މައްސަލަ އެދެވޭ ބާރުމިނުގައި ތަހުގީގު ކުރުމަށް ދައުލަތް ނުކުޅެދިފައިވާ ކަމަށާއި ދައުލަތުގެ މުއައްސަސާއެއްގެ ގޮތުން މި ޒިންމާ ފުލުހުން ފުރިހަމައަށް އަދާ ކުރަންޖެހޭ ކަމަށްވެސް ބަޔާނުގައި ފާހަގަކޮށްފައި ވެއެވެ.

ނޫސްވެރިޔާ ގެއްލުވާލާފައިވާތާ 22 ދުވަސް ވެފައިވާ އިރު، އޭނާގެ އާއިލާއިން ގެންދަނީ ރައްޔިތުންގެ މަޖިލިހަށް ޕެޓިޝަނެއް ހުށަހެޅުމަށް މަސައްކަތް ކުރަމުންނެވެ.