August 23, 2014

ގެއްލިފައިވާ ނޫސްވެރިޔާ، އަހުމަދު ރިލްވާންގެ މައްސަލައިގައި ކަން ބޮޑުވުން ފާޅު ކުރުމުގެ ގޮތުން “އައްޑޫ ފްރެންޑްސް” އިން އިންތިޒާމްކޮށްގެން “ރިލްވާން ހޯދުން” މި ނަމުގައި ހިނގާލުމެއް ބާއްވަން ތައްޔާރުވަމުން އެބަދެ އެވެ.

އައްޑޫ ފްރެންޑްސް އަކީ އެ އަތޮޅުގެ ޒުވާނުން ތަކެއް އެކުވެގެން ތަފާތު ހަރަކާތްތައް ހިންގަމުންދާ ވޮލަންޓިއާ ގްރޫޕެކެވެ. މީގެ ކުރިން އެ ގްރޫޕުން ވަނީ ގާޒާގެ މައްސަލައިގައި ވެސް އައްޑު އަތޮޅުގައި ރެލީއެއް ބާއްވާ އެވެ.

މާދާމާގެ ހިނގާލުމަށް ތައްޔާރުވުމަށް ބެނާ ތައްޔާރު ކުރަނީ — ފޮޓޯ: ކިޔުންތެރިއެއް

މާދާމާގެ ހިނގާލުމަށް ތައްޔާރުވުމަށް ބެނާ ތައްޔާރު ކުރަނީ — ފޮޓޯ: ކިޔުންތެރިއެއް

ރިލްވާން ގެއްލިފައިވާތީ އެކަން ސަމާލު ކަމަށް ގެނައުމަށް މާދަމާ ބާއްވާ ހިނގާލުމަށް ޒުވާން އަންހެން ކުއްޖަކު ޝުއޫރުގެ ބޯޑެއް ތައްޔާރު ކުރަނީ — ފޮޓޯ: ކިޔުންތެރިއެއް

އައްޑު އަތޮޅު ހިތަދޫގެ ގެއެއްގައި މާދަމާގެ ހިނގާލުމަށް ތައްޔާރުވަނީ — ފޮޓޯ: ކިޔުންތެރިއެއް

މާދަމާގެ ހަރަކާތް ރޭވުމުގައި އިސްވެ އުޅޭ އެ ގްރޫޕްގެ އެއް އޮފިޝަލަކު ވިދާޅުވީ ރިލްވާން ގެއްލިފައިވާތީ އެކަމާ ގުޅިގެން ކަންބޮޑުވުން ފާޅު ކުރުމުގެ ގޮތުން މާދާމާ ސ. ހިތަދޫގައި ބާއްވަނީ ސުލްހަވެރި ހިނގާލުމެއް ކަމަށާއި އެ ހިނގާލުން ފަށާނީ ހަވީރު 4:30 ގައި ހިތަދޫ ސްކޫލް ކުރިމަތިންނެވެ. އަދި ހިނގާލުން ނިންމާނީ ހިތަދޫ ޗެކްމާކް ފިހާރައާ ހަމަށެވެ.

މި ހިނގާލުމުގައި އައްޑޫ ސިޓީގެ ގިނަ އަދަދެއްގެ ބަޔަކު ބައިވެރިވެ ރިލްވާން މައްސަލަ އާއި ނޫސްވެރިންނަށް ބިރުދެއްކުމުގެ ގޮތުން ކުރާ ކަންކަން ކުށްވެރިކޮށް ޝުއޫރު ފާޅު ކުރާއިރު ސިޔާސީ ފިކުރަށް ބެލުމެއް ނެރި ޕީޕީއެމާއި އެމްޑީޕީގެ މެންބަރުން ވެސް ނުކުންނާނެ ކަމަށް އެ އޮފިޝަލު ވިދާޅުވި އެވެ.